Main Content

Act equilibristic

Schildertext "Act equilibristic"
Veglias sorts da seghel muntagnard han gugent dirs envierns e terren magher. Antruras eran maghers ils terrens e perquai adattads per vegnir cultivads sco ers. Oz cuntegna il terren bleras substanzas nutritivas pervi da l’agricultura intensiva. Las novas sorts da seghel n’èn betg avunda resistentas al fraid. La cultivaziun da seghel è in act equilibristic.

Sem resistent

Schildertext "Sem resistent"
Tenor ina regla da purs manglass il seghel vegnir semnà il settember avant la Rogaziun federala. Uschia pon las plantinas far blers chatschs avant che cumenza l’enviern. Era sch’il bulieu da miffa nival las attatga u la selvaschina las maglia – la primavaira chatschan las veglias sorts da seghel puspè. Diraglia! Racoltà vegni a partir da l’avust.

Graun da sulegl

Schildertext "Graun da sulegl"
Antruras cultivavan las famiglias da purs grischunas sezzas lur paun. Mintga vitg aveva sias sorts da graun. Oz è il graun muntagnard ina raritad custaivla: il graun cuntegna il sulegl da muntogna. Il strom concluda ciclus natirals sin il bain. La varietad da las spezias crescha. La cuntrada profitescha.