Main Content

GranAlpin

Schildertext "GranAlpin"
En il territori da muntogna grischun crescha graun biologic per far paun e biera: furment, ierdi, seghel, avaina, spelta – semnà e racoltà da 70 famiglias da purs e promovì da la societad GranAlpin. Quella procura per buna semenza, lascha elavurar la racolta e commerzialisescha ils products. www.granalpin.ch.

Biocultivaziun

Schildertext "Biocultivaziun" La cultivaziun biologica d’ierdi grischun: arar l’atun, preparar las eras la primavaira, semnar, applanir l’er, erptgar l’er pliras giadas per allontanar zerclims. Ussa crescha il fritg trais mais. Alura vegn el racoltà. – Animals selvadis ed ervas chattan en l’er in spazi da viver intact.

Biera grischuna

Schildertext "Biera grischuna"
Ierdi per far biera cuntegna pli paucs proteins che ierdi da mangiar u da pavlar. L’ierdi per far biera grischuna vegn trans- portà a Memmingen (D) per al maltar. Maltar signifitga laschar schermigliar ils graunins ed als laschar pruir in’emna. Suenter vegn il malt verd setgentà e furnì als bierers a Tschlin, Monstein ed Appenzell.