Main Content

Tagls da latg

Schildertext "Tagls da latg"
Suenter la racolta da fritgs d’er sco graun, tirc e ravun vegn semnà en il medem lieu in prà. Quest uschenumnà prà artifizial, che vegn segà quatter fin sis giadas l’onn, vegn cultivà fin quatter onns. Mintga tagl furnescha pavel d’auta valur nutritiva – e bler latg.

Recreaziun

Schildertext "Recreaziun"
Sut la cuverta dal prà artifizial sa recreeschan ils ers: zerclims e bacils sa reduceschan. Verms, chariels e bacterias sa multiplitgeschan e dattan aria a la terra. Il traifegl accumulescha il nitrogen. Quai ha in effect positiv e visibel.

Flur-chadaina

Schildertext "Flur-chadaina"
L’emprim furnescha il prà artifizial il meglier pavel per il muvel. A partir dal segund onn prui erva raffadra, sco la flur-chadaina. Ella sa multi-plitgescha spert e colurescha il prà pli e pli mellen. Cura ch’el è tut mellen, è l’erva veglia ed il prà vegn arà.